by
by ru en
Аа
Aa Aa Aa

Гарачая лінія

Міністэрства аховы здароўя:

(017) 222-70-80
Упраўленнi аховы здароўя

Мінск:

(017) 285-00-10

Мінская вобласць:

(017) 517-20-25

Брэсцкая вобласць:

‎(0162) 58-09-93

Віцебская вобласць:

(0212) 47-40-70

Гомельская вобласць:

(0232) 75-44-87

Гродзенская вобласць

(0152) 72-13-45

Магілёўская вобласць:

(0222) 27-36-42

У Мінску прайшло пасяджэнне Савета па супрацоўніцтве ў галіне аховы здароўя СНД

У Мінску адбылося XXXIV пасяджэнне Савета па супрацоўніцтве ў галіне аховы здароўя СНД.

Савет быў створаны 26 чэрвеня 1992 г., а ў 2021 годзе савет узначальвае Беларусь. Парадак дня вельмі насычаны - удзельнікі сустрэчы абмеркавалі 26 пытанняў, якія датычацца ўзаемадзеяння ў галіне аховы здароўя СНД.

Сёння з кіраўнікамі дэлегацый дзяржаў-удзельніц СНД і прадстаўнікамі міжнародных арганізацый сустрэўся намеснік прэм'ер-міністра Ігар Петрышэнка. «Цяперашнім часам як ніколі ўзрастае роль савета і ўзгодненная праца міністраў аховы здароўя. І мы бачым, што жыхары нашых краін чакаюць рэальных эфектыўных дзеянняў, кіраўніцкіх рашэнняў, якія мы павінны хутка прымаць, паколькі праца савета тычыцца парадку 280 млн жыхароў СНД», – сказаў Ігар Петрышэнка.

03_2021-10-13_19-51-37.jpg

Паводле яго слоў, у апошні час істотна актывізавана работа савета. «Прыняты план сумесных дзеянняў па санітарнай ахове, які сапраўды аператыўна быў адпрацаваны i план сумесных дзеянняў па супрацьдзеянні распаўсюджванню COVID-19. І тая ўзгодненая, скаардынаваная праца, якую праводзяць міністэрства аховы здароўя, галоўныя санітарныя ўрачы нашых краін, збіраючыся і кансультуючыся як у вочным фармаце, так і ў большай ступені ў фармаце он-лайн, дзелячыся новымі распрацоўкамі і падыходамі, вельмi карысна», – адзначыў намеснік прэм'ер-міністра .

Вынікі працы старшынства Беларусі ў савеце падвёў міністр аховы здароўя Беларусі Дзмітрый Піневіч. Паводле яго слоў, «ў 2021 годзе Беларусь старшынствавала ў Савеце па супрацоўніцтве ў галіне аховы здароўя СНД пры сустаршынстве Рэспублікі Казахстан і Рэспублікі Узбекістан, актыўнай падтрымцы членаў Савета, кіраўнікоў базавых арганізацый і камісій, а таксама Выканаўчага камітэта СНД. Сёння ўпершыню за мінулыя два гады пасяджэнне Савета праходзіць у фармаце асабістай сустрэчы. Нягледзячы на эпідэміялагічную абстаноўку, мы прыклалі ўсе намаганні для практычнай рэалізацыі Плана асноўных мерапрыемстваў Савета і выканання Рашэнняў вышэйшых органаў Садружнасці. У бягучым годзе ў рамках Савета было праведзена больш за 35 мерапрыемстваў, разгледжана больш за 100 пытанняў, падрыхтавана каля 10 праектаў дакументаў. З улікам сітуацыі па COVID-19 акцэнт быў зроблены на працу над дакументамі ў галіне санітарна-эпідэміялагічнага дабрабыту. На жаль абстаноўка па COVID-19 як у дзяржавах – удзельніцах СНД, так і ў свеце ў цэлым застаецца напружанай».

02_2021-10-13_19-49-55.jpg

Старшыня расказаў, што ў цяперашні час ва ўсіх дзяржавах Садружнасці праводзіцца актыўная вакцынацыя грамадзян супраць COVID-19, выдаецца сертыфікат нацыянальнага ўзору і QR-код, які пацвярджае правядзенне прышчэпкі. «На нашу думку, ўзаемнае прызнанне сертыфікатаў аб вакцынацыі палегчыць трансгранічнае перасоўванне вакцынаваных грамадзян, дазволіць аднавіць турыстычныя патокі і аднавіць роднасныя і дзелавыя паездкі», - сказаў ён. Савет падтрымаў ініцыятыву аб узаемным прызнанні сертыфікатаў (дакументаў) пра вакцынацыю супраць COVID-19. У сувязі з гэтым было вырашана стварыць рабочую групу па распрацоўцы прапаноў аб умовах і парадку прызнання сертыфікатаў ў дзяржавах – удзельніцах СНД.

Як лічыць міністр аховы здароўя Расіі Міхаіл Мурашка, «ключавым параметрам прызнання сертыфікатаў вакцынацыі ад каронавiруса павінен быць сам факт прышчэпкі і яе эфектыўнасць, а не канкрэтная вакцына».

04_2021-10-13_20-05-40.jpg

Яшчэ адно важнае пытанне, якое абмеркавалі ўдзельнікі нарады - узаемадзеянне па развіцці электроннага забеспячэння працы аховы здароўя і тэлемедыцынскіх камунікацый. Як распавёў Дзмітрый Піневіч, «у гэтым кірунку ў 2021 годзе мы актыўна ўзаемадзейнічалі ў рамках Рабочай групы па пытаннях інтэграцыі нацыянальных сістэм, базавай арганізацыі грамадскага здароўя і інфарматызацыі аховы здароўя і міждзяржаўнай Сеткі інстытутаў грамадскага здароўя і інфарматызацыі аховы здароўя Садружнасці». Сёння ў Мінску старшыня рабочай групы, першы намеснік міністра аховы здароўя Беларусі Алена Богдан прадставіла праект Дарожнай карты па развіцці тэлемедыцынскага трансгранічнага ўзаемадзеяння дзяржаў – удзельніц СНД, як першага этапу інтэграцыі нацыянальных сістэм.

У ходзе пасяджэння таксама гаварылася, што за 30-гадовы перыяд дзяржавамі – удзельнікамі Садружнасці выбудаваная скаардынаваная сістэма супрацоўніцтва, створана дзейсная прававая база, якая дазваляе развіваць гнуткія ўзаемаадносіны ў галіне аховы здароўя і санітарна-эпідэміялагічнага дабрабыту. Было адзначана, што хуткі рост колькасці хранічных неінфекцыйных захворванняў, якія з'яўляюцца асноўнай прычынай смяротнасці, ўзнікненне новых інфекцыйных хвароб, такіх, напрыклад, як пандэмія COVID-19, патрабуюць аб'яднання намаганняў міністэрстваў аховы здароўя краін СНД і прыняцця новых рашэнняў.

Члены Савета прынялі да ведама інфармацыю аб старшынстве беларускага боку ў Савеце ў гэтым годзе, а таксама пра станаўленне анкалагічных службаў дзяржаў – удзельніц Садружнасці і 30-гадовым перыядзе ўзаемадзеяння ў барацьбе са злаякаснымі захворваннямі.

На пасяджэнні былі разгледжаны пытанні, якія датычацца арганізацыі аказання псіхолага-псіхіятрычнай дапамогі пацярпелым пры надзвычайных сітуацыях, процідзеяння распаўсюджванню інфекцыйных хвароб, супрацоўніцтва ў сферы грамадскага здароўя і інфарматызацыі аховы здароўя, развіцця тэлемедыцынскага трансгранічнага ўзаемадзеяння.

Прадстаўнікі краін СНД зацвердзілі Парадак фарміравання рэестра спецыялістаў арганізацый санітарна-эпідэміялагічнага профілю для сумеснай працы ў зоне надзвычайнай сітуацыі санітарна-эпідэміялагічнага характару. Былi зацверджаны – дакументы па стварэнні Экспертнага савета па пытаннях трансфузіялогіі, праект Палажэння аб базавай арганізацыі ў галіне ацэнкі тэхналогій аховы здароўя, кантролю якасці і фінансавання медыцынскай дапамогі. Плануецца, што гэты статус атрымае Цэнтр экспертызы і кантролю якасці медыцынскай дапамогі Міністэрства аховы здароўя Расіі.

01_2021-10-13_19-49-47.jpg

Па запрашэнні старшыні Савета ўдзел у пасяджэнні прыняў дырэктар Еўрапейскага рэгіянальнага бюро СААЗ Ханс Клюге, які падзяліўся сваім меркаваннем аб уроках, вынятых падчас пандэміі COVID-19, у кантэксце забеспячэння гатоўнасці да надзвычайных сітуацыях і рэагавання на іх. Паводле яго слоў, «мінула 20 месяцаў і тры тыдні з моманту выяўлення першых выпадкаў COVID-19 ў Еўрапейскім рэгіёне СААЗ. Зарэгістравана больш за 70 млн. выпадкаў захворвання і 1 млн. 300 тыс. смерцяў. Пандэмія яшчэ далёкая ад завяршэння, але ўжо цяпер можна атрымаць жыццёва важныя ўрокі».

Па словах Ханса Клюге, «мы павінны разарваць заганны круг панікі і пагарды, каб прадухіліць разбуральнае ўздзеянне будучых пагроз здароўю, якое мы адчулі з COVID-19. Краіны з агульнадаступнай аховай здароўя і апорай на першасную медыка-санітарную дапамогу, былi больш дынамічнымі і гатовымі да ажыццяўлення комплексных мер у адказ, арыентаваных на патрэбы людзей. Яны былі гатовы інтэграваць асноўныя праграмы аховы здароўя ў сістэму арганізацыі работ у надзвычайных сітуацыях».

З інфармацыяй аб новых аспектах працы ў галіне процідзеяння ВІЧ ў рэгіёне ВЕЦА з улікам Глабальнай стратэгіі па СНІДу на 2021-2026 гады на пасяджэнні выступіў рэгіянальны дырэктар ЮНЭЙДС для краін Усходняй Еўропы і Цэнтральнай Азіі Аляксандр Галiўсаў.

Акрамя таго, члены Савета падвялі вынікі выканання Праграмы аб супрацоўніцтве краін СНД па прафілактыцы і лячэнні цукровага дыябету на 2016-2020 гады, плана мерапрыемстваў па рэалізацыі Стратэгіі «Здароўе насельніцтва дзяржаў – удзельніц СНД» на 2020-2021 гады. Плануецца, што наступнае пасяджэнне савета пройдзе ў Казахстане.

Прэс-служба Міністэрства аховы здароўя

517
Вяртанне да спісу

Іншыя навіны

Карысныя рэсурсы

Адміністрацыйныя рэсурсы