У адрас Міністэрства аховы здароўя і УП «Белмедтэхніка» паступаюць звароты з боку пастаўшчыкоў, з якімі заключаны дагаворы пастаўкі медыцынскіх вырабаў. У зваротах ідзе размова аб магчымасці ўнясення змяненняў у заключаныя дагаворы ў частцы змянення тэрмінаў выканання абавязацельстваў пастаўшчыком, парадку аплаты, цаны дагавора, памеру штрафных санкцый.

Паведамляем, што з мэтай недапушчэння адмоў пастаўшчыкоў ад пастаўкі тавару і для вырашэння пытанняў бесперабойнага забеспячэння арганізацый аховы здароўя медыцынскімі вырабамі, пастановай Савета Міністраў Рэспублікі Беларусь ад 28 сакавіка 2022 г. № 188 «Аб змяненні пастановы Савета Міністраў Рэспублікі Беларусь ад 15 чэрвеня 2019 г. 395» дапускаецца змяненне ў 2022 годзе ўмоў дагавора ў выпадках:

• змянення цаны дагавора, калі такія змяненні пры набыцці лекавых сродкаў і медыцынскіх вырабаў, а таксама сыравіны, матэрыялаў, камплектуючых, якія выкарыстоўваюцца пры вытворчасці такіх тавараў (выкананні работ, аказанні паслуг), немагчыма было прадугледзець пры правядзенні працэдуры дзяржаўнай закупкі.);

• змянення тэрмінаў выканання абавязацельстваў пастаўшчыком (падрадчыкам, выканаўцам), парадку аплаты, калі неабходнасць такіх змяненняў немагчыма было прадугледзець пры правядзенні працэдуры дзяржаўнай закупкі.

Пры гэтым для ўнясення заказчыкам (арганізатарам) такіх змяненняў у дагавор памер змянення цаны дагавора павінен быць пацверджаны адпаведным разлікам пастаўшчыка, а немагчымасць выканання абавязацельстваў без змянення тэрмінаў выканання і парадку аплаты павінна быць пацверджана адпаведным абгрунтаваннем пастаўшчыка.