Нягледзячы на новыя падыходы да арганізацыі харчавання, гігіенічныя прынцыпы харчавання застаюцца нязменнымі – забеспячэнне бяспекі і якасці, адзначыла яна. Падчас пілотнага праекту па харчаванні гучала крытыка таго, што дзяцей будуць карміць фастфудам. «Гэта не так. Такія стравы, як гамбургер, чызбургер і іншыя, будуць выключаны з новага навучальнага года. Школа павінна выхоўваць у дзяцей і бацькоў прынцыпы здаровага харчавання, таму ўключэнне такіх страў ніяк не адпавядае гэтаму. Калі мы будзем навучаць дзяцей на ўроках і факультатывах аднаму, а рэалізоўваць у буфеце зусім іншыя прадукты, ніякага выхавання на прынцыпах здаровага харчавання не атрымаецца», – патлумачыла Ала Малахава.

Яна таксама заўважыла, што выяўленыя ў ходзе эксперыменту недахопы ўрэгуляваны. У выніку прынята аптымальнае рашэнне аб тым, што 1-4-я класы будуць атрымліваць гарачы сняданак, а 5-11-я класы ва ўсіх рэгіёнах – і сельскай, і гарадской мясцовасці – абед. Такім чынам, ежа будзе рыхтавацца паслядоўна, не будзе ніякай цеснаты ў сталовай.

Напярэдадні новага навучальнага года распрацаваны метадычныя рэкамендацыі па арганізацыі харчавання з улікам пілотнага праекта. Хутка яны будуць падпісаны. Падобныя рэкамендацыі выпускаюцца кожны год, але сёлета да пытання падышлі асабліва старанна. У дакуменце прапісаны ўсе рэкамендацыі па графіках харчавання (у які час лепш атрымліваць сняданак, калі абед), харчаванню дзяцей у падоўжках, складанню рацыёнаў і інш.

Прэс-служба Міністэрства аховы здароўя