Новы раздзел на сайце "Догляд цяжкахворых"  у рубрыцы "Для беларускіх грамадзян" стане вялікай падтрымкай для сем'яў, якія даглядаюць цяжкахворых сваякоў.

Цяжкая хвароба блізкага чалавека змяняе жыццё ўсёй сям'і. Але калі ўсё правільна арганізаваць і памяняць стаўленне да праблемы, якая ўзнікла, хатні догляд за цяжкахворымі магчымы без эмацыйнага выгарання і фізічнага знясілення.

Правільны догляд прадугледжвае стварэнне спрыяльнай бытавой і псіхалагічнай абстаноўкі на ўсіх этапах лячэння. Ён будуецца на прынцыпах рэжыму, які аберагае і ашчаджае псіхіку хворага. Вялікае значэнне маюць стварэнне ўтульнасці, падтрыманне ў хворага аптымістычнага настрою, упэўненасці ў шчаслівым зыходзе хваробы.

Паспяховае выкананне шматлікіх мерапрыемстваў па догляду патрабуе не толькі адпаведных навыкаў, але і спачувальных адносіны да хворага, душэўнай шчодрасці. Хвароба, фізічныя пакуты спараджаюць павышаную раздражняльнасць, пачуццё трывогі, адчуванне нездаволенасці, часам нават безвыходнасці, незадаволенасць медперсаналам або блізкімі людзьмі. Супрацьпаставіць гэтаму цяжкаму светаўспрыманню варта чуласць, такт, уменне падбадзёрыць, падтрымаць хворага.

З больш падрабязнай інфармацыяй можна азнаёміцца​​ тут.