У «Вялікім камені» 24 жніўня 2021 года адбылося падпісанне мемарандума аб супрацоўніцтве паміж Інстытутам культуры і эканомікі Цзіньтаа (КНР) і УП «Цэнтр экспертыз і выпрабаванняў у ахове здароўя».

Як распавёў дырэктар УП «Цэнтр экспертыз і выпрабаванняў у ахове здароўя» Дзмітрый Грынько, «асноўнай мэтай падпісання мемарандума з'яўляецца ўсталяванне партнёрскіх адносін і развіццё доўгатэрміновага, эфектыўнага і ўзаемавыгаднага супрацоўніцтва. Гаворка ідзе аб забеспячэнні бяспекі, эфектыўнасці і якасці лекавых прэпаратаў, фармацэўтычных субстанцый, медыцынскіх вырабаў, аказанні інфармацыйных і кансультацыйных паслуг, удзел у навуковых і практычных сімпозіумах, семінарах, канферэнцыях. Гэта пагадненне стане асновай для развіцця беларуска-кітайскіх адносін у сферы медыцынскай навукі і аховы здароўя».

У мерапрыемстве таксама прынялі ўдзел Надзвычайны і Паўнамоцны Пасол Беларусі ў КНР Юрый Сянько і яго калега Надзвычайны і Паўнамоцны Пасол КНР Се Сяоюн, намеснік міністра аховы здароўя Барыс Андрасюк, дырэктар Інстытута культуры і эканомікі Цзіньтао Цай Чуаньцiн, кіраўніцтва індустрыяльнага парку.

У сваiм слове ў адказ кітайскім гасцям намеснік міністра аховы здароўя Барыс Андрасюк падкрэсліў, што «на аснове дамоўленасцей, дасягнутых кіраўнікамі нашых дзяржаў, з мэтай умацавання супрацоўніцтва паміж нашымі краінамі, мы ўжо робім значныя крокі. Асноўнымі задачамі аховы здароўя Беларусі з'яўляюцца – забеспячэнне насельніцтва сучаснымі і эфектыўнымі медыцынскімі тэхналогіямі на аснове выкарыстання дасягненняў навукі і тэхнікі, эфектыўнае расходаванне бюджэтных сродкаў, прымяненне мер падтрымкі, якія стымулююць інавацыйнае развіццё вытворчасці. У гэтай сферы Кітай – наш стратэгічны партнёр».

Як нагадаў Барыс Андрасюк, «пандэмія змацавала сяброўскiя сувязi паміж нашымі краінамі. У самым пачатку пандэміі каронавiруса мы першыя аказалі нашаму братэрскаму народу дапамогу. Потым, у цяжкі час, менавіта Кітай аказваў нам дапамогу. Наша супрацоўніцтва вядзецца і ў навуковай, і ў гуманітарнай сферы».

Таксама ў «Вялікім камені» адбылася прэзентацыя выдання «Асноўныя аспекты допуску да звароту медыцынскіх вырабаў і лекавых сродкаў». Выданне падрыхтавана спецыялістамі Міністэрства аховы здароўя Рэспублікі Беларусь, УП «Цэнтр экспертыз і выпрабаванняў у ахове здароўя» (ЦЭIЗ) і СЗАТ «Кампанія па развіцці індустрыяльнага парку».

Нагадаем, што паводле беларускага заканадаўства рэалізацыя і прымяненне лекавых сродкаў і медыцынскіх вырабаў вырашаюцца пасля праходжання дзяржаўнай рэгістрацыі.

Як распавёў дырэктар ЦЭIЗ Дзмітрый Грынько, «мы падрыхтавалі алгарытмы, схемы і рэгламенты ажыццяўлення найбольш значных працэдур у гэтай сферы». Гаворка ідзе пра такія як – правядзенне папярэдніх техработ для рознах відаў дзяржрэгістрацыі лексродкаў, выдача дазволаў на ўвоз незарэгістраваных прэпаратаў у краіну, выдача дазволаў на незарэгістраваныя медычныя вырабы і інш. Зборнік апублікаваны на дзвюх мовах – рускай і кітайскай.

 Прэс-служба Міністэрства аховы здароўя