Сучасная фармацэўтычная прамысловасць Рэспублікі Беларусь – гэта сфера, якая сістэмна і дынамічна развіваецца і забяспечвае лекавую бяспеку краіны. Актыўна рэгіструюцца новыя лекавыя прэпараты, рэалізуюцца праекты, накіраваныя на стварэнне новых вытворчасцей, асвойваецца імпартазамяшчальная прадукцыя, ажыццяўляецца супрацоўніцтва з замежнымі кампаніямі ў частцы трансферу тэхналогій, пашыраецца геаграфія экспартных паставак.

Значныя дасягненні і рэалізацыя стратэгічных мэт развіцця – заслуга каманды прафесіяналаў, чыя штодзённая плённая праца, высокая кваліфікацыя, добрасумленнасць і адказнасць, адданасць любімай справе высока цэняцца дзяржавай і грамадствам.

У гэты святочны дзень жадаю працоўным калектывам фармацэўтычнай і мікрабіялагічнай прамысловасці рэалізацыі пастаўленых задач у вытворчай, інавацыйнай сферах, у прасоўванні прадукцыі і асваенні новых рынкаў збыту, зладжанай каманднай работы на карысць нашай краіны!

Жадаю ўсім моцнага здароўя, дабра і шчасця, міру і паразумення ў сем'ях, дабрабыту і дастатку!

Міністр аховы здароўя Рэспублікі Беларусь
Аляксандр Хаджаеў