На нацыянальным прававым Iнтэрнэт-партале Рэспублікі Беларусь 3 сеньября 2021 г. апублікавана Пастанова Савета Міністраў Рэспублікі Беларусь ад 1 верасня 2021 г. № 504 «Аб змяненні пастаноў Савета Міністраў Рэспублікі Беларусь».

Нормы Пастановы прадугледжваюць ўнясенне змен, у тым ліку, у пастанову Савета Міністраў ад 2 верасня 2008 г. № 1269 «Аб зацвярджэнні Палажэння аб дзяржаўнай рэгістрацыі (перарэгістрацыі) вырабаў медыцынскага прызначэння і медыцынскай тэхнікі». Таксама дадзеныя нормы ўносяць змены і ў Адзіны пералік адміністрацыйных працэдур, што ажыццяўляюцца дзяржаўнымі органамі і іншымі арганізацыямі ў адносінах да юрыдычных асоб і індывідуальных прадпрымальнікаў, якi зацверджаны пастановай Савета Міністраў 17 лютага 2012 г. № 156.

Пастановай ўведзена працэдура дзяржаўнай рэгістрацыі і выдача рэгістрацыйнага пасведчання на медыцынскія вырабы:

• што пастаўляюцца ў абмежаванай колькасці для дзяржаўных арганізацый аховы здароўя ў мэтах выканання імі міжнародных праграм у галіне аховы здароўя;

• для экстраных патрэб дзяржаўных арганізацый аховы здароўя, у тым ліку для ліквідацыі наступстваў стыхійных бедстваў, катастроф, эпідэмічных захворванняў, у іншых выключных выпадках, а таксама для лячэння абмежаваных кантынгентаў пацыентаў, уключаючы пацыентаў з рэдка сустракаемай паталогіяй;

• у якасці замежнай бязвыплатнай дапамогі.

На гэтыя катэгорыі медвырабаў раней Міністэрства аховы здароўя мог выдаваць дазволы на рэалізацыю і (або) медыцынскае прымяненне паводле Адзінага пераліку, зацверджанаму пастановай Савета Міністраў ад 17 лютага 2012 г. № 156.

У сілу патрабаванняў Закона «Аб ахове здароўя», медыцынскія вырабы дапускаюцца да вытворчасці, рэалізацыі і медыцынскага ўжывання ў Рэспубліцы Беларусь пасля іх дзяржаўнай рэгістрацыі або рэгістрацыі ў рамках Еўразійскага эканамічнага саюза. У сувязі з чым – адміністрацыйная працэдура па выдачы дазволаў на рэалізацыю і (або) медыцынскае ўжыванне медыцынскіх вырабаў выключана з Адзінага пераліку.

Прэс-служба Міністэрства аховы здароўя