Канферэнцыя прысвечана адной з актуальных праблем – ускладненням COVID-19, магчымасцям дыягностыкі, прафілактыкі і лячэння. Вядучыя вучоныя і клінічныя спецыялісты падзеляцца вопытам даследаванняў і напрацовак, раскажуць аб выніках сваіх работ і дасягненнях, абмяркуюць практычныя рэкамендацыі па шэрагу пытанняў і напрамкаў.

Прыняць удзел у канферэнцыі можна будзе таксама ў анлайн-рэжыме па спасылцы: https://www.youtube.com/watch?v=I90hvogZwDY ці на сайце belmapo.by у раздзеле «мерапрыемствы».

Канферэнцыя стане своеасаблівай пляцоўкай наладжвання інфармацыйнага абмену навуковай і практычнай медыцынскай супольнасці, развіцця міжнароднага супрацоўніцтва.

Абмен вопытам на канферэнцыі з удзелам вядучых спецыялістаў у галіне інфекцыйных захворванняў, неўралогіі, рэаніматалогіі, псіхіятрыі дасць магчымасць выпрацаваць арганізацыйныя і практычныя рашэнні для павышэння якасці аказання спецыялізаванай медыцынскай дапамогі пацыентам з каранавіруснай інфекцыяй і яе ўскладненнямі ў краіне.

Прэс-служба Міністэрства аховы здароўя