Асноўная частка грамадзян Ірака, Сірыі і іншых краін, якія знаходзяцца ў транспартна-лагістычным цэнтры (ТЛЦ) і ў санаторыі «Світанак» (аг. Парэчча), маюць пашпарты аб вакцынацыі. Але ёсць некалькі дзясяткаў грамадзян, якія папрасілі правесці вакцынаванне на месцы іх знаходжання.

У спецыяльным медпункце, які арганізаваны ў ТЛЦ, вакцынаваць жадаючых будуць медыцынскія работнікі з паліклінікі № 7 Гродна.

Нагадаем, учора ў ТЛЦ зафіксавалі выпадак каранавіруса. Уцякач шпіталізаваны ў Гродзенскую ўніверсітэцкую клініку.

Даведачна: зараз ва ўстановах аховы здароўя Беларусі ў наяўнасці больш за 2 800 000 доз вакцыны, у тым ліку больш за 1 900 000 доз Vero Cell.

Нагадаем, каранавірусная інфекцыя адносіцца да вострых рэспіраторных вірусных інфекцый (ВРВІ). Адзіным дзейсным метадам папярэджання захворвання і яго цяжкай плыні з'яўляецца вакцынацыя. Просім грамадзян – прайдзіце вакцынацыю супраць COVID-19! Бо ў Беларусі прышчапіцца можна практычна ва ўсіх паліклініках краіны, бальніцах, гандлёвых цэнтрах і нават у метро.