БПРЗ пастаянна дапамагае ўстановам аховы здароўя ў набыцці кіслародных канцэнтратараў, рэцыркулятараў паветра, пульсаксіметрах, СІЗах і г.д. Так, у бліжэйшы час, у адпаведнасці з пастановай Рэспубліканскага камітэта прафсаюза па хадайніцтву Магілёўскай гарадской бальніцы хуткай медыцынскай дапамогі, на ўмацаванне матэрыяльна-тэхнічнай базы ўстановы аховы здароўя будзе выдзелена Br2,5 тыс. Сродкі выдаткуюць на набыццё вымяральніка канцэнтрацыі кіслароду для баракамеры ў аддзяленне анестэ рэанімацыі, сродкаў індывідуальнай абароны, тэрмометраў, пульсаксіметраў і ахоўных экранаў для аддзяленняў бальніцы.

Яшчэ Br3 тыс. будуць пералічаны Магілёўскай абласной дзіцячай бальніцы на куплю ўстройства для абеззаражання паветра ў прысутнасці пацыентаў. Іншай магілёўскай установе аховы здароўя – Магілёўскай абласной клінічнай бальніцы будзе выдзелена каля Br4,8 тыс. на набыццё сродкаў індывідуальнай абароны, локцевых дазатараў для антысептычных сродкаў. За кошт спонсарскіх сродкаў Br5 тыс. будуць набыты СІЗы для медработнікаў выязных брыгад Магілёўскай гарадской станцыі хуткай медыцынскай дапамогі.

Таксама БПРЗ дапаможа набыць кіслародны канцэнтратар, бактэрыцыдныя лямпы, бескантактавыя тэрмометры, пульсаксіметры, сродкі індывідуальнай абароны Столінскай цэнтральнай раённай бальніцы. Памер прафсаюзнай матэрыяльнай дапамогі ўстанове аховы здароўя складзе Br10 тыс.

На пашыў форменнага адзення для выязнога персаналу гарадской станцыі хуткай медыцынскай дапамогі Мінска са сродкаў Рэспубліканскага камітэта Беларускага прафсаюза работнікаў аховы здароўя будзе выдзелена Br7 тыс.